Azərbaycan Bəstəkarlar İttifaqının konfrans zalında İdarə Heyətinin növbəti iclası keçirilib.

Kulis.az xəbər verir ki, Bəstəkarlar İttifaqının sədri, AMEA-nın müxbir üzvü, Xalq artisti, professor Firəngiz Əlizadə 2024-cü və cari ilin İttifaqın iş planı haqqında ətraflı məlumat verib.

Belə ki, Azərbaycanın Vətən müharibəsində şanlı qələbəsinin 5-ci ildönümünə həsr olunmuş müxtəlif tərkibli xor və orkestrlər üçün əsərlərin yazılması üzrə Milli Bəstəkarlıq, dahi Üzeyir Hacıbəylinin 140 illik yubileyi ilə əlaqədar olaraq Musiqişünaslıq Müsabiqələri və Üzeyir bəylə bağlı silsilə tədbirlər haqqında İdarə Heyətinin üzvləri ilə müzakirələr aparılıb. Eyni zamanda İttifaqın növbəti tədbirləri ilə bağlı onlar da öz təklif və fikirlərini bölüşüblər.

İdarə Heyətinin iclasında gündəliyə daxil olan məsələlərdən biri də Bəstəkarlar İttifaqının katiblərinin seçilməsi idi. Bu məqsədlə Azərbaycan Bəstəkarlar İttifaqına Əməkdar incəsənət xadimi, sənətşünaslıq üzrə fəlsəfə doktoru, professor Elnarə Dadaşova, sənətşünaslıq üzrə elmlər doktoru, dosent Leyla Zöhrabova katiblər seçildilər.

• Leyla Əliyeva və Arzu Əliyeva Türk Mədəniyyəti və İrsi Fondunda
• Mirşahin Ağayev: "Yığışdırın bu düşük boşboğazlığı!”
• Körpə Tanrının yaratdıqları - Murad Köhnəqalanın yeni hekayəsi