Fevralın 16-da Bakı Kitab Mərkəzində argentinalı müəllif Luiza Valenzuelanın “Başqa silahlar və digər siyasi hekayələr" adlı Azərbaycan dilinə tərcümə olunmuş kitabın təqdimat mərasimi keçirilib.
Kulis.az xəbər verir ki, tədbirdə Argentinanın ölkəmizdəki səfiri xanım Marianxeles Belluşinin iştirakçılara kitab haqqında məlumat verib. “Argentinada hərbi diktaturanın ilk illərində yazılmış bu əsərdə işgəncə, repressiya və onların fərdlərin həyatına təsirindən, eləcə də Bella və Pedronun sevgi hekayəsindən bəhs olunur”, - deyə səfir bildirib.
Kitabın tərcüməçisi Aytən Əliyeva qeyd edib ki, artıq ikinci dəfədir argentinalı müəllifin əsərini tərcümə etməyi öz öhdəsinə götürür.
Daha sonra çıxış edənlər kitab haqqında fikirlərini bölüşərək əsərin Azərbaycan dilinə tərcümə edilməsinin gözəl bir addım olduğunu vurğulayıblar.
Sonda müəllifin kitab haqqında təəssüratlarından ibarət videoçarx nümayiş etdirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər