Bakıdakı populyar “Café Maurice” məkanı çox maraqlı hadisəyə - “Rəssamların döyüşü” adlı müəllif layihəsinin açılışı platformasına çevrilib.

Kulis.az xəbər verir ki, ideya müəllifi və layihənin kuratoru Sona Quliyevanın sözlərinə görə, “Rəssamların döyüşü” rəsm əsərlərinin necə yaranmasına qeyri-trivial nəzər salınmasını ehtiva edir və iki istedadlı rəssam şərti rinqdə yarış formatında “döyüşür”.

Hər bir raunda müəyyən vaxt ayrılır və bu müddətdə iştirakçılar öz əsərlərini yaradırlar. Tədbir çərçivəsində tamaşaçıların müşahidə etdikləri üç raund keçirilir.

Birinci rəssamlıq raundunda rinqin göy küncündə çıxış edən Röya Həsən və qırmızı küncdə olan Roza Murad qarşı-qarşıya gəliblər.

Tamaşaçılar nəinki real vaxtda vizual əsərlərin necə yaradıldığını müşahidə etmək, həm də istedadlı sənətçi-vokalçı Mələk Abbaszadənin ifasında canlı musiqidən, DJ Azadın ifasından və müxtəlif müsabiqələrdə iştirakdan həzz almaq imkanı əldə ediblər ki, bu da ab-hava yaratmağa kömək edib və əsl sənət təntənəsi olub.

Tədbirin qeyri-adi formatı çox həyəcanlı olub: qonaqlar “Rəssamların döyüşü”ndə fəal iştirak edərək, öz sevimlilərini dəstəkləyib və qalibə səs veriblər. Əsərləri tamaşaçıların heyranlığına səbəb olan Röya Həsən kiçik fərqlə qalib gəlib.

Qeyd edək ki, “Arts Council Azerbaijan” qeyri-hökumət təşkilatı Azərbaycan mədəniyyətinin həm ölkə daxilində, həm də xaricdə təbliğinə kömək edən qeyri-adi və kreativ layihələri ilə sənətsevərləri sevindirməkdə davam edir.

• Bakıda "Son zəng" - FOTOLAR
• “Mənim evim” film layihəsi beynəlxalq proqramda iştirak etdi
• "Həmişə dilimin bəlasına düşürəm..." - Saramaqonu niyə tarixi həqiqətləri lağa qoymaqda ittiham edirdilər?