Aktyor Kamran Ağabalayev sosial şəbəkə hesabında Azərbaycanda kino sahəsinə ayrılan dövlət vəsaitlərinin səmərəsizliyindən yazıb.
Kulis.az-ın məlumatına görə, o, bildirib ki, illərlə filmlərə ayrılan milyonlarla manat büdcə “kino inkişafı” adı ilə xərclənməsinə baxmayaraq, nəticədə, həm tamaşaçı marağı azalıb, həm də yadda qalan filmlər yaranmayıb:
"İllər boyu filmlərə dövlət pul ayırdı... Amma ortaya nə çıxdı? Milyonlarla manat büdcə vəsaiti “kino inkişafı” adı ilə xərcləndi, amma nə tamaşaçı qaldı, nə də yadda qalan filmlər. Bizim kinomuz sanki xalqdan uzaq düşdü, ekranda nə özümüzü, nə də həyatımızı görürük. Əgər illərlə ayrılan bu qədər puldan sonra nəticə yoxdursa, indi dövlət niyə yenə kinoya pul ayırsın? Əgər sistem eyni qalacaqsa, nəticə də dəyişməyəcək. Kino sadəcə maliyyə layihəsi deyil, bir millətin mədəni güzgüsüdür".
Aktyor vurğulayıb ki, kino yalnız maliyyə layihəsi deyil, həm də bir millətin mədəni güzgüsüdür:
"Pul rejissorun azad düşüncəsinə, gənc yaradıcı insanların səsinə, ssenarilərə getməlidir, yoxsa kabinetlərdə “hesabat filmlərinə” çevriləcək. Əsl kino azadlıqla yaranır. Dürüst, cəsarətli və xalqla danışan kino olmasa, nə qədər pul xərcləsək də, boşdur.
Vallah, ayrılmasın, ayrılmasın, bilək ayrılmadı və heç kim yeməyəcək”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər