Arif Babayevin şəxsi arxiv fondu yaradıldı

Media

Ana səhifə
Media

Arif Babayevin şəxsi arxiv fondu yaradıldı

27 yanvar 2023

18:50

Azərbaycan Dövlət Film Fondunda Əməkdar incəsənət xadimi, Dövlət Mükafatı laureatı, kinorejissor Arif Babayevin şəxsi arxiv fondu yaradılıb.

Kulis.az xəbər verir ki, bu barədə Fonddan məlumat verilib.

Şəxsi arxiv fondu Arif Babayevin 95 illik yubileyinə ithaf olunub. Fonda görkəmli sənətkarın 200-dən çox fotosənədi, ssenariləri, diplom və fəxri fərmanları, şəxsi sənədləri, qəzet və jurnallar daxil edilib.

Şəxsi arxiv fonduna daxil olan sənədlər Arif Babayevin qardaşı, Xalq artisti, rejissor Vasif Babayev tərəfindən təhvil verilib.

Xatırladaq ki, Arif Babayev “Uşaqlığın son gecəsi” (1968), “Gün keçdi” (1971), “Ömrün ilk saatı” (1973), “Alma almaya bənzər” (1975), “Arxadan vurulan zərbə” (1977), “Bizi bağışlayın” (1979), “Birisigün, gecəyarısı…” (1981) bədii filmlərinin quruluşçu rejissoru olub.