Apar məni Zəngəzura - Alov İnannadan yeni şeirlər

Apar məni Zəngəzura - Alov İnannadan yeni şeirlər
6 oktyabr 2022
# 13:20

Kulis.az Alov İnannanın yeni şeirlərini təqdim edir.

Balta sapı

Dinlə məni Balta Sapı,
bir vaxt sən də Budaq idin.
Doğmaların yaxınında
Özgələrə uzaq idin.

Bir gövdədən su içərdik,
O suları qurutdunmu?
Bizi göylərə yönəldən
arzuları unutdunmu¬?

Oduna dönəndən bəri
Ağac yanını danırsan.
Dəmiri güclümü gördün?
Özünü Balta sanırsan?!

Bülövlərə yalaqlanıb
Mişarlara qoşulmusan.
Bizə qalxan pis əllərə,
Dönüb tutalğac olmusan.

Nə kökümüz kəsiləcək,
Nə gücünüz çatar bizə.
Min budaq olub artmağa
Bir zoğumuz yetər bizə.


Zəngəzura gedən yolum

Yolum,
ilan kimi
qıvrılan yolum,
dağların başına
dolanan yolum,
sıldırım sal qayalara
söykənən yolum,
dərin dərələrlə
ürküdən yolum.

Böyrü bəzən bulaqlı,
bəzən çaylı-çaylaqlı,
bəzən daşlı-çınqıllı,
bəzən otlu-alaqlı –
Zəngəzura gedən yolum.

Üşənim tufanında,
islanım leysanında.
Qarışım buluduna
kor olum dumanında,
Zəngəzura gedən yolum.

Pozulmayan izli ol,
palçıqlı, ya tozlu ol,
tez olsun, ya gec olsun,
təki təkcə bizli ol,
Zəngəzura gedən yolum.

Qayaları yalçın yolum,
sim-sim deyim, açıl, yolum,
yenə sənin yolçun olum,
apar məni Zəngəzura.

Yenə balaca qız olum,
öz boyum boyda göz olum,
baxım, baxım doymaz olum,
apar məni Zəngəzura.

Anamın gəldiyi yerə,
gülünü dərdiyi yerə,
dərdindən öldüyü yerə –
apar məni Zəngəzura.

# 2640 dəfə oxunub

Oxşar xəbərlər

Nəzakət Məmmədovanın son arzusu - Onu ölümə aparan məktubda nə yazılmışdı?

Nəzakət Məmmədovanın son arzusu - Onu ölümə aparan məktubda nə yazılmışdı?

18:40 21 oktyabr 2025
37-ci ilin qanlı kölgəsi - Müşfiqin evinə girən gözlənilməyən "qonaqlar" kimlər idilər?

37-ci ilin qanlı kölgəsi - Müşfiqin evinə girən gözlənilməyən "qonaqlar" kimlər idilər?

18:27 21 oktyabr 2025
Yanvar qaranlığının işığı - Xəlil Rza Ulutürkü niyə həbs etmişdilər?

Yanvar qaranlığının işığı - Xəlil Rza Ulutürkü niyə həbs etmişdilər?

18:16 21 oktyabr 2025
Qəşəm Nəcəfzadə: "Məmməd İsmayıl məni çap etmirdi"

Qəşəm Nəcəfzadə: "Məmməd İsmayıl məni çap etmirdi"

18:01 21 oktyabr 2025
Ermənistanda kilsənin televiziya kanalı bağlana bilər

Ermənistanda kilsənin televiziya kanalı bağlana bilər

16:07 21 oktyabr 2025
"İndiki qızların gözü tez açılır" - Övladlarını "satan" valideynlər haqqında  niyə tədbir görülmür?

"İndiki qızların gözü tez açılır" - Övladlarını "satan" valideynlər haqqında niyə tədbir görülmür?

15:00 21 oktyabr 2025
#
#
Ana səhifə Yazarlar Bütün xəbərlər