Ankara Sosial Elmlər Universitetinin Sezai Karakoç zalında Azərbaycan Yazıçılar Birliyinin sədri, Xalq yazıçısı Anarın 85 illik yubileyinə həsr olunmuş görüş keçirilib.
Kulis.az xəbər verir ki, görüşdə bir sıra görkəmli şəxsiyyətlərlə yanaşı, universitetin tələbələri də iştirak ediblər.
Universitetin rektoru, Türkiyə Yazarlar Birliyinin sədri, professor Musa Kazım Arıcan giriş nitqində bu dəvəti qəbul etdiyi üçün Anar müəllimə minnətdarlığını bildirib. Qeyd edib ki, Anar müəllim Türkiyədə yaxşı tanınır və onun əsərlərinin mütəmadi olaraq Türkiyə türkcəsinə tərcüməsi yerli oxucuları müəllifə daha da yaxınlaşdırıb. Xüsusən, türkiyəli gənclərin Anar müəllimi yaxşı tanıdığını vurğulayan rektor bunu yüksək qiymətləndirib.
Rektorun çıxışından sonra "Ədəbiyyat və sənətlə keçən 85 illik bir ömür" adlı videoçarx nümayiş olunub. Videoçarxda Xalq yazıçısının həyat və yaradıcılığı müxtəsər halda izləyicilərin nəzərinə çatdırılıb.
Ankara Sosial Elmlər Universitetinin Sosial və bəşəri elmlər fakültəsinin Türk dili və ədəbiyyatı bölməsinin müəllimi, professor Bilal Çakıcı Anar müəllimin parlaq şəxsiyyəti barədə ətraflı çıxış edərək onu görməkdən qürur hissi duyduğunu dilə gətirib. Bu görüşün böyük tarixi gün olduğunu qeyd edən B.Çakıcı Anar müəllimin nəsri ilə yanaşı, qələmə aldığı poeziya nümunələrindən də bəhs edib və çıxışını müəllifin "XXI əsrin ilk nikbin şeiri" əsəri ilə yekunlaşdırıb.
Ankara Hacı Bayram Vəli Universitetinin Ədəbiyyat fakültəsinin Çağdaş türk ləhcələri və ədəbiyyatları bölməsinin müəllimi, dosent Cemile Kınacı çıxışında Anarın əsərlərindəki bədii məziyyətlər, onun sosial-siyasi istiqamətdə fəaliyyəti, ictimai xadim kimi cəmiyyətdəki rolu barədə söhbət açıb. C.Kınacı Xalq yazıçısının Türkiyədə pedaqoji fəaliyyətinə də diqqət çəkib.
Ankarada Xalq yazıçısı Anarla görüş keçirildi
![Ankarada Xalq yazıçısı Anarla görüş keçirildi](https://kulis.az/storage/news/2023/november/09/big/654c9a346d593654c9a346d5941699519028654c9a346d591654c9a346d592.jpg)
Oxşar xəbərlər
![Selin Dion illər sonra səhnədə](https://kulis.az/storage/news/2024/july/27/big/66a49f8cc77cf66a49f8cc77d0172206478066a49f8cc77cd66a49f8cc77ce.jpeg)
Selin Dion illər sonra səhnədə
11:19
27 iyul 2024
![Qaraca qız axmaqdır - Vüqar Van](https://kulis.az/storage/news/2024/july/27/big/66a416f90c2ad66a416f90c2ae172202981766a416f90c2ab66a416f90c2ac.jpg)
Qaraca qız axmaqdır - Vüqar Van
09:00
27 iyul 2024
![O, Tupak Şakurun ölümü üçün 1 milyon dollar alıb](https://kulis.az/storage/news/2024/july/26/big/66a38b0e1d67966a38b0e1d67a172199399866a38b0e1d67766a38b0e1d678.jpg)
O, Tupak Şakurun ölümü üçün 1 milyon dollar alıb
16:00
26 iyul 2024
![Tualet müasir insanın məşğuliyyət otağıdır - Vüsal Bağırlı](https://kulis.az/storage/news/2024/july/26/big/66a359567d88f66a359567d890172198127066a359567d88d66a359567d88e.png)
Tualet müasir insanın məşğuliyyət otağıdır - Vüsal Bağırlı
15:30
26 iyul 2024
![Anasını, nənəsini istismar edənlər - Belə yaşayış olar?](https://kulis.az/storage/news/2024/july/26/big/66a37143cf64f66a37143cf650172198739566a37143cf64d66a37143cf64e.jpg)
Anasını, nənəsini istismar edənlər - Belə yaşayış olar?
14:00
26 iyul 2024
![Məşhur aktrisa: "40 ildir evli olsaq da, ayrı yataqda yatırıq"](https://kulis.az/storage/news/2024/july/26/big/66a36f7816bd766a36f7816bd8172198693666a36f7816bd566a36f7816bd6.jpg)
Məşhur aktrisa: "40 ildir evli olsaq da, ayrı yataqda yatırıq"
13:41
26 iyul 2024