Anar: "Sədrin dediklərini kontekstdən çıxarıblar" - Açıqlama

Anar:  "Sədrin dediklərini kontekstdən çıxarıblar" - Açıqlama
19 mart 2025
# 14:10

Xalq yazıçısı Anar DİM sədri Məleykə Abbaszadənin imtahanda iştirakla bağlı yazıçılara çağırışına necə münasibət bildirib?

Dövlət İmtahan Mərkəzinin sədri Məleykə Abbaszadənin çağırışı yaxşı təşəbbüsdür və bu təşəbbüsdə yazıçılara qarşı təhqirdən söhbət gedə bilməz.

Bunu APA-ya açıqlamasında Azərbaycan Yazıçılar Birliyinin sədri, Xalq yazıçısı Anar deyib.

“Azərbaycan dili üzrə sertifikasiya imtahanı”nın onlayn platformasının təqdimat mərasiminə mən dəvət olunmuşdum. Danimarkadan gələn şairləri qəbul etməli olduğuma görə, iştirak edə bilmədim. Həmin gün mənə təhrif olunmuş məlumatlar çatdırdılar. Məleykə Abbaszadənin dediklərini kontekstdən çıxarıblar. Rəşad Məcidin bu məsələ ilə bağlı yazdığını və ümumi çıxış haqqında məlumatı oxuyandan sonra hər şey aydın oldu. Bu onlayn imtahanın sınaq versiyası hazırlanıb və Məleykə xanım həmin sınaq versiyanın hansı vəziyyətdə olduğunu yoxlamaq üçün belə bir çağırış edib. Bu çağırışda yazıçıların mənafeyinə toxunan nəsə yoxdur. Yazıçılar DİM-in Azərbaycan dili imtahanında məmnuniyyətlə iştirak edə bilərlər”, - Xalq yazıçısı vurğulayıb.

Məleykə Abbaszadə imtahanla bağlı yazıçılara nə üçün müraciət edib?

Məleykə Abbaszadə “Azərbaycan dili üzrə sertifikasiya imtahanı”nın onlayn platformasının təqdimat mərasimində çıxışında ziyalılara çağırış edib: "DİM olaraq Azərbaycan Yazıçılar Birliyinin üzvlərinə, müəllimlərə, elm adamlarına müraciət etmək istəyirik ki, bu imtahandan keçsinlər".

"Azərbaycan dili üzrə bu imtahanlardan keçən şəxslərin dili hansı səviyyədə (A1, A2, B1 və s.) bildikləri məlum olacaq. Əlimizdə ilkin data olması üçün bizim ilkin olaraq 2000 nəfərin nəticəsinə ehtiyacımız var", - o, əlavə edib.

“Azərbaycan dili üzrə sertifikasiya imtahanı” nə ilə bağlıdır?

Dövlət İmtahan Mərkəzinin sədri Məleykə Abbaszadə “Azərbaycan dili üzrə sertifikasiya imtahanı”nın onlayn platformasının təqdimat mərasimində çıxış edərkən qeyd edib ki, “Azərbaycan dili üzrə sertifikasiya imtahanı”nın demo versiyada istifadəyə verilir və ilkin nəticə üçün müxtəlif yaş kateqoriyalarından 2000 nəfərin nəticəsi lazımdır. Artıq imtahanın sınaq versiyasının onlayn platformasının hazır olduğunu qeyd edən sədr imtahan modelinin dünyanın müxtəlif yerlərində dilin tədrisi üçün kurikulumların və dil üzrə bilik və bacarıqların ölçülməsi ilə bağlı alətlərin hazırlanmasında istifadə olunan dillər üzrə ümum-Avropa çərçivə sənədi və Azərbaycan dilinin xüsusiyyətləri nəzərə alınaraq ərsəyə gətirildiyini qeyd edib. Məleykə Abbaszadə vurğulayıb ki, imtahan kompüter əsaslıdır: "Platforma bu gündən etibarən Dövlət İmtahan Mərkəzinin rəsmi internet səhifəsində sınaq müddətinə istifadəyə verilir. Sınaq prosesinin məqsədi imtahanının effektivliyini yoxlamaq və daha da təkmilləşdirməkdir".

Qeyd edək ki, bu sertifikasiya imtahanı ölkəmizdə ilk dəfə tətbiq olunur. İmtahan müddəti 3 saatdır. İmtahanda təhsil səviyyəsi, iş yeri, tutduğu vəzifədən asılı olmayaraq, hər kəs iştirak edə bilər, iştirak ödənişsizdir və sertifikatın etibarlılıq müddəti 2 ildir.

# 2863 dəfə oxunub

Oxşar xəbərlər

Tanınmış aktyor vəfat etdi - Səbəb

Tanınmış aktyor vəfat etdi - Səbəb

15:02 19 noyabr 2026
Freydçi  fikirlər, qarşısıalınmaz libido, azğın cinsi arzular... - Psixoanaliz mövzusunda 10 məşhur əsər

Freydçi fikirlər, qarşısıalınmaz libido, azğın cinsi arzular... - Psixoanaliz mövzusunda 10 məşhur əsər

15:00 19 noyabr 2026
“Tame Impala” Avstraliya musiqisinin tarixində yeni səhifə açdı – Bir gecədə 7 mükafat

“Tame Impala” Avstraliya musiqisinin tarixində yeni səhifə açdı – Bir gecədə 7 mükafat

14:46 19 noyabr 2026
İranda həbs edilən rejissora dəstək - Tanınmış kino simaları və festivallar tərəfindən

İranda həbs edilən rejissora dəstək - Tanınmış kino simaları və festivallar tərəfindən

14:12 19 noyabr 2026
Süni intellekt şirkətləri 2 milyon kitabı məhv edib? – Yazıçılardan ciddi ittiham

Süni intellekt şirkətləri 2 milyon kitabı məhv edib? – Yazıçılardan ciddi ittiham

13:48 19 noyabr 2026
AzTV dəyişikliklərlə bağlı yayılan iddialara münasibət bildirib - Format dəyişikliyi olacaq

AzTV dəyişikliklərlə bağlı yayılan iddialara münasibət bildirib - Format dəyişikliyi olacaq

13:36 19 noyabr 2026
#
#
Ana səhifə Reels Yazarlar Xəbərlər