Kulis.az həyatımızı dəyişəcək 20 aforizmi təqdim edir.

1. Ədalətli olmağın bəhrəsi ruhi sakitlikdir. Epikür

2. Əgər ədəbiyyat üçün bir şey etmək istəyirsinizsə – oxuyun. Amerikan deyimi

3. Demək istədiyini çoxları deyə bilir. Ən böyük sənətkarlıq demək istədiyindən başqa bir şey deməməkdir. Əbu Turxan

4. Bağışlamaq istəyi ya qorxudan, ya gücsüzlükdən, ya da fədakarlıqdan irəli gəlir. Fransua de Laroşfuko

5. Bir sufidən Diogenə tövsiyə: həqiqi filosofun kənar təsirlərdən azad olmaq üçün çəlləyə girməyə ehtiyacı yoxdur. Əbu Turxan

6. Ən tez quruyan göz yaşıdır. Mark Tulli Siseron

7. Yaş olma, – sıxarlar, quru olma, – sındırarlar. Atalar sözü

8. İblisin gücü onun mələk səbrindədir. S.Y.Lets

9. Deməyə bir sözün olmadıqda doğrunu söylə. Mark Tven

10. Oxumaq, oxumaq, yenə də oxumaq, çünki onsuz da iş tapmayacaqsan. Viktor Konyaxin

11. İşığı heç kim kor qədər sevə bilməz. Viktor Hüqo

12. Qadın çox şey istəyir, amma birindən. Kişi bir şey istəyir, amma çoxundan. Konstantin Melaxin

13. Əgər xanım “yox” deyirsə, bu “ola bilər” deməkdir; əgər o “ola bilər” deyirsə, bu “hə” deməkdir; əgər “hə” deyirsə, o xanım deyildir. Fransız deyimi

14. İslam, müsəlmanların dörd qaynanasının olmasına izn verir. Aleksandr Redkin

15. Ölmədən öncə ölmək lazımdır. Məhəmməd peyğəmbər

16. Bəzən uzaqlaşmaq lazım gəlir, yaxınlaşmaq üçün; bəzən xatırlamaq lazım gəlir, xatırlanmaq üçün; bəzən ağlamaq lazım gəlir, açılmaq üçün; bəzən anmaq lazım gəlir, anılmaq üçün; bəzən də susmaq lazım gəlir, duymaq üçün. Şəms Təbrizi

17. Xatirə görüşün bir növüdür. Cübran

18. Tale getmək istəyəni aparır, istəməyəni sürüyür. Kleanf

19. Kitabsız ev, pəncərəsiz otaq kimi bir şeydir.
Xoras Mann

20. Əsl kişi odur ki, qadının doğum gününü dəqiq yadda saxlayır, amma yaşını heç zaman xatırlamır.
Faina Ranevskaya

• Pol Makkartnidən yeni "The Beatles" filminə irad: "Məni yenə qısaboylu göstəriblər"
• Məşhur rejissor vəfat etdi
• Marqot Robbinin köhnə serialı süni intellektlə yenidən hazırlanır