Xalq artisti Tünzalə Ağayeva Şuşa haqqında yeni mahnı bəstələyib.

Bu barədə Kulis.az-a Xalq artisti özü məlumat verib. O, Xalq şairi Rəsul Rzanın yaradıcılığına müraciət edərək, şairin “Şuşam mənim” şeirinə mahnı bəstələyib. Hazıda mahnının klip çəkilişləri gedir. Ekran işinin müəllifi Rəsul Rzanın nəvəsi, Xalq yazıçısı Anarın qızı publisist Günel Anarqızıdır. Klipin rejissorluğu tanınmış rejissor Ülviyyə Könülə həvalə olunub.

• Rüstəm Behrudi: "Allahla işim yoxdur, Tanrı bizə yetər" – Müsahibə
• Parlamentin Mədəniyyət komitəsinin payız sessiyası üçün iş planı təsdiqlənib
• Vaqif Bayatlı Odəri niyə belə sevdik, belə istədik... – Nadir Yalçın

Xalq artisti klipin film formatında lentə alındığını deyib:

“Daha bir yenilik isə ekran əsərində peşəkar artistlərlə yanaşı, Vətən müharibəsində iştirak edən əsgərlərin iştirak etməsidir. Klipdə Şuşa uğrunda gedən savaş öz əksini tapacaq. Buna görə, çox böyük qürur hissi duyuram. Onlara çox dərin minnətdarımı bildirirəm. Klipin ərsəyə gəlməsində zəhməti olan bütün texniki heyətə, prodüserim Yalçın Cabbarova, Ülviyyə Könülə, Günel Anarqızına və bizə dəstək olan şirkət və qurumlara öz təşəkkürümü bildirirəm”.

Qeyd edək ki, Tünzalə Ağayeva bundan əvvəl Xalq şairi Səməd Vurğunun qələmə aldığı “Şuşa haqqında ballada” şeirinə bəstələdiyi mahnını ifa edib.

• Rüstəm Behrudi: "Allahla işim yoxdur, Tanrı bizə yetər" – Müsahibə
• Parlamentin Mədəniyyət komitəsinin payız sessiyası üçün iş planı təsdiqlənib
• Vaqif Bayatlı Odəri niyə belə sevdik, belə istədik... – Nadir Yalçın