Məşhur ispan-fransız rəssamı və heykəltəraşı Pablo Pikassonun (1881-1973) 1941-ci ildə çəkdiyi “Şlyapalı qadın” tablosu Kanadanın “Heffel Fine Art Auction House” Hərrac Evində 6,9 milyon dollara satılıb.
Rəsm əsəri yağı boya ilə kətan üzərində çəkilib. Pikasso bu tablosunda özünün ilham pərisi və sevgilisi Dora Maarı təsvir edib. Hərrac lotunun təsvirində deyilir ki, “tanınmış Avropa kolleksiyasına aid olan tablo müxtəlif sərgilərdə, o cümlədən 1956-cı ildə Nyu-Yorkun “Kuts” qalereyasında nümayiş etdirilib”. Hərracın əvvəlində rəsm əsərinin qiyməti 6-7,5 milyon dollar elan edilib.
Pablo Pikassonun tabloları dünyada ən bahalı rəsm əsərlərindən sayılır. Onun fırçasının məhsulu olan “Çılpaq, yaşıl yarpaqlar və büst” tablosu (1932) 2010-cu ildə Kristi Hərrac Evində 106 milyon dollara satılıb. Rəssamın ən bahalı əsəri - 1955-ci ildə çəkdiyi “Əlcəzair qadınları” tablosunu isə ötən ilin mayında keçirilən hərracda 179,4 milyon dollara alıblar. /azertag.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər