Dövlət Tərcümə Mərkəzi “DƏF(İ)NƏ YARPAĞI“ müsabiqəsinin növbəti turunu elan etdi

Kulis.az xəbər verir ki, Azərbaycan Dövlət Tərcümə Mərkəzi ölkədə bədii tərcümə sahəsinin təkmilləşdirilməsi və dəyərləndirilməsi məqsədi ilə hər beş ildən bir keçirilən “DƏF(İ)NƏ YARPAĞI” müsabiqəsinin növbəti turuna start verdi.

Müsabiqənin şərtləri

* Müsabiqəyə 2020–2021-ci il orijinaldan Azərbaycan dilinə tərcümə edilmiş kiçik həcmli nəsr və poeziya nümunələri qəbul edilir:

nəsr əsərləri – 20.000 işarəyə qədər;

poeziya nümunələri – 100 misra;

* hər nominasiya üzrə mükafatın bir müəllifə və bir əsərə təqdim edilməsi nəzərdə tutulur;

* bir müəllif müsabiqəyə yalnız bir əsər təqdim edə bilər;

* müsabiqədə iştirak edən namizədlərə yaş məhdudiyyəti yoxdur;

* əsərlər oktyabrın 1-dən, dekabrın 20-sinə qədər qəbul edilir;

* müsabiqə qaliblərinin adlarının 2022-ci il martın 5-də keçiriləcək mükafatlandırma mərasimində elan olunacağı nəzərdə tutulur.

Müsabiqənin gedişatı

* Müsabiqəyə təqdim edilən əsərlər ilkin mərhələdə müəllifin adı gizli saxlanılmaqla, nömrələnmiş qaydada Ekspert Şurasına təqdim olunur. İkinci mərhələyə – 20-liyə çıxan əsərlər Mükafat Komissiyasının müzakirəsinə verilir;

* əsərlərin dəyərləndirilməsi 5 – 10 bal sistemi üzrə həyata keçirilir;

* Ekspert Şurası və Mükafat Komissiyası üzvlərinin adları mükafatlandırma mərasiminə qədər gizli saxlanılır;

* qaliblər diplom, döş nişanı və pul mükafatı ilə təltif olunur.

Müsabiqənin mükafat fondu

Nəsr üzrə

I yer – 2000 (iki min) manat

II yer – 1000 (min) manat

III yer – 500 (beş yüz) manat

Həvəsləndirici mükafat – 300 (üç yüz) manat.

Poeziya üzrə

I yer – 2000 (iki min) manat

II yer – 1000 (min) manat

III yer – 500 (beş yüz) manat

Həvəsləndirici mükafat – 300 (üç yüz) manat.

Əsərlərin göndərilmə qaydası

* əsərlər, müəllifin digər tərcümə nümunələrinin siyahısı və nəşr mənbəyi bildirməklə, elektron poçtu vasitəsi ilə, yaxud kağız

formatında 5 nüsxədə təqdim edilməlidir;

* əsərin Azərbaycan dilinə hansı dildən tərcümə edildiyi qeyd olunmalıdır;

* müsabiqə şərtlərinə əməl olunmadan təqdim edilən əsərlər geri qaytarılır.

Əlavə sənədlər

* şəxsiyyət vəsiqəsinin surəti;

* müsabiqə iştirakçısının əlaqə nömrəsi.

Ünvan: Bakı şəhəri, Ə.Topçubaşov küçəsi 74

Email: [email protected]

Telefon: (012) 595 10 69

Mob: (055) 988 89 30 (votsap)

• Diplomatımız şairin mükafatını qəbul etdi
• Xəlil Rza Ulutürk: Xalqın harayına çevrilən səs, imperiyanın qorxduğu şair
• “Soyuq müharibə”nin rejissoru yeni filmlə qayıdır