2011-in oktyabrı,
anam yaddaşını itirmişdi,
heç kəsi üzdən tanımırdı,
pəncərənin o üzündə yağış yağırdı,
mən siqaret çəkmək üçün həyətə düşdüm.
2011-in payızı,
soyuq idi,
anam yaddaşını itirmişdi,
heç kəsi üzdən tanımırdı,
pəncərənin o üzündə yağış yağırdı,
mən siqaret çəkmək üçün həyətə düşmüşdüm
və qayıtdım anam yatan otağa.
2011-in oktyabrı,
yağış da yağırdı,
son günlər anam yaddaşını itirmişdi,
heç kəsi üzdən tanımırdı,
mənə baxıb susurdu,
mən də ona susurdum,
biz, bir-birimizə baxıb ucadan susurduq,
siqaret çəkmək üçün həyətə düşmüşdüm,
daha sonra qayıtmışdım anam yatan otağa.
Və qəflətən sükut pozuldu,
mənə baxıb gileyli səslə belə dedi:
"Noolar, gecələr get o Şəhriyarı yolux, yatanda üstünü açır..."
Anam məni tanımırdı - Şəhriyardan poetik bir parça
Oxşar xəbərlər
Hər qoyuna öz dərisində dolaşmaq üçün şərait yaratmaq lazımdır... - Dünya tarixində ilk imtinaçı kim idi?
11:30
6 may 2026
“Ulduzlu görüşlər” çərçivəsində növbəti görüş - Vəsimə İsmayılqızı
11:27
6 may 2026
Namaz qılarkən güllələnən axund - Bakıdakı ilk qız məktəbinin qanlı tarixçəsi
10:47
6 may 2026
Skelet təsvirli, kiber-zireh görünüşlü, kino lentindən hazırlanmış libasların ehtişamı... - Modanın "Oskar"ı sayılan "Met Qala 2026" nələrlə yadda qaldı?
10:45
6 may 2026
"Avatar"ın yaradıcısı oğurluqda ittiham olunur
10:27
6 may 2026
"Öz balaca həyatlarından xatircəmdirlər..." - Belçikalı Nobel mükafatçısının pyesi
10:00
6 may 2026