14 Fevral nə günüdür? - Sevgililər günü, yoxsa...

14 Fevral nə günüdür? - Sevgililər günü, yoxsa...
14 fevral 2025
# 11:17

Fevralın ilk ongünlüyündən başlayaraq hədiyyə mağazalarında nəzərə çarpan canlanma 14 fevraladək davam edir. Daha çox gənclərin qeyd etdiyi 14 fevral tarixi yaşlı nəsili o qədər də maraqlandırmır.

“Valentin günü” dünyanın bir sıra ölkələrində 14 fevralda qeyd edilir. Dünya ölkələrində, bu günün həvəskarlarının bir-biri üçün hədiyyələr aldığı və kütləvi qeyd etdiyi faktları danılmazdır. "Valentin günü"nün atributları da var, bunlar ürək şəkilləri və göyərçin fiqurudur. Bəs indi bir çox müsəlman ölkələrində, türk dünyasında belə qeyd edilən bu xristian gününün əhəmiyyəti nədir? Biz ilin ən sevgili günü haqqında həqiqəti bilirikmi?

Kulis.az bu günün həqiqi tarixçəsini təqdim edir.

Qədim Romada 14 fevral tarixi bütün Roma xalqı üçün isə xüsusi əhəmiyyət kəsb edirdi. Həmin gün inanclarına görə, Roma “Tanrı” və “Tanriçaları”nın kraliçası olan Junoya duyulan hörmətdən dolayı bayram elan olunurdu. Səhərisi gün isə “Lupercalia” bayramı başlayırdı. Bu bayram xalqın gənc kütləsi üçün böyük “əhəmiyyət” daşıyırdı.

Bu “əhəmiyyət”in səbəbi isə həyatları qəti qayda-qanunlarla müəyyənləşdirilmiş və bunun da təbii nəticəsi olaraq gəzib-əylənmə şansı çox məhdud olan gənclərin bu bayramda bir-birləri ilə iyrənc şəkildə əylənmələri idi. Bu “bayram”da hansı gəncin hansı qızı seçməsi də öz istəklərinə bağlı deyildi.

Romalı gənc qızlar adlarını kiçik kağız parçalarına yazaraq, bir çəlləyə atır, həmin kağızlardan birini seçən romalı gənc də seçdiyi kağızda adı yazılan qızla həmin gecə bir yataqda olaraq istənilən cinsi arzusunu həyata keçirməkdə sərbəst buraxılırdı və onlar bayram boyunca ayrılmırdılar.

Bəs Müqəddəs Valentin kimdir?

Müqəddəs Valentin eramızın III əsrində Roma imperatoru II Klavdinin hakimiyyəti dövründə yaşamış bir keşiş və ya yepiskop olub. O, xristian nikahlarını gizli şəkildə icra etdiyi üçün imperatorun qəzəbinə gəlib və həbs edilib. İddiaya görə, imperator gənc kişilərin evlənməsini qadağan etmişdi, çünki subay əsgərlərin daha yaxşı döyüşdüyünü düşünürdü. Lakin Valentin sevgi və evliliyi dəstəklədiyi üçün bu qadağaya qarşı çıxıb.

Müqəddəs Valentin həbs olunduqdan sonra zindanda olarkən gözətçinin qızına aşiq olduğu və ona “Sənin Valentinin” yazılı bir məktub göndərdiyi barədə bir əfsanə var. Bu hadisə Müqəddəs Valentin Günündə (14 fevral) sevgililərin bir-birinə məktub yazması ənənəsinin başlanğıcı hesab edilir.

Bu günün “Valentin günü”adı altında açıq-aşkar qeyd edilməsi onun ölümündən təxminən 226 il sonraya təsadüf edir. Yəni, Papa Gelasius tərəfindən 496-cı ildə “Lupercalia” bayramının adı Valentinin şərəfinə dəyişdirilir. Addəyişmənin səbəbinə gəlincə isə, xristian ruhanilər Romadakı bütpərəstlərin “Lupercalia” bayramına xristian gənclərin də qatıldığından və bütpərəst qızlarla əylənmələrindən narahat olduqlarından buna bir çarə axtarırdılar.

Elə bu zaman vaxtilə xristian qəbristanlığında dəfn olunan Valentin yada düşdü və ruhani xristianlar bununla vəziyyətdən çıxış yolu tapdılar. Onlar bu bayramın sadəcə və sadəcə adını dəyişərək gənclərin xristianlığa bağlı adı olan bir şənlikdə– “Müqəddəs Valentin günü”ndə əylənmələrini təmin etdilər. Bununla da həmin bu “Valentin günü” meydana çıxdı.

Müxtəlif ölkələrdə Sevgililər Günü

Qərb ölkələrində sevgililər bir-birinə açıqcalar, çiçəklər, şokolad və digər hədiyyələr təqdim edir.

Yaponiyada qadınlar kişilərə şokolad hədiyyə edir, kişilər isə bir ay sonra - 14 martda (Ağ Gün) cavab hədiyyəsi verirlər.

Braziliyada Sevgililər Günü 12 iyunda qeyd olunur.

Bəzi müsəlman ölkələri isə Sevgililər Gününü qeyd etmir. Özbəkistan, Türkmənistan, Malayziya, İndoneziya, İran, Səudiyyə Ərəbistanı və Pakistan Sevgililər Gününü qeyd etməyən ölkələrdir.

Gəlin bunu anlayaq ki, ümumiyyətlə, sevginin günü olmur. Bir-birini dərin hislərlə sevən insana hər gün Sevgililər Günüdür. Şərt deyil ki, bu günü bahalı və lüks hədiyyələrlə başa vurasan. Kiçik, anlamlı hədiyyələr yaxud xoş sözlər belə könül qazanmağa kifayət edir. (Lent.az)

# 3939 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
#
#
Ana səhifə Reels Yazarlar Xəbərlər