“Apple” məhkəməyə verilib

Media

Ana səhifə
Media

“Apple” məhkəməyə verilib

17 avqust 2011

14:29

Cənubi Koreyada 27 mindən çox insan “Apple” şirkətini məhkəməyə verib

Bir neçə ay əvvəl iPhone telefonlarının istifadəçilərin olduqları yerləri gizli olaraq telefona qeyd etməsi ilə bağlı xəbərlər yayılmışdı. Lakin tezliklə, şirkət bunun yalan olduğunu və iPhone-nun deyil, Androidin istifadəçiləri izləməsini açıqlamışdı.

Açıqlamalardan qane olmayan və bunu şəxsi həyata müdaxilə kimi hesab edən Cənubi Koreyanın 27 min 612 vətəndaşı şirkəti məhkəməyə verib.

Vəkil Kim Hyeong-seok məhkəmədə “Apple”ın istifadəçilərin hər birinə mənəvi zərərə görə 932 dollar təzminat ödəməsini istəyib.

“Apple” şirkətinin nümayəndəsi Stiv Park mövzu ilə bağlı heç bir açıqlama verməyib.

iPhone, iOS sistemindəki “consolidated.db” adlı faylda istifadəçilərinin olduğu yeri qeyd etməsində ittiham olunurdu.

“Apple” şirkətinin rəhbəri Stiv Cobs iPhone telefonlarının sahibini izləməsi ilə bağlı: “Biz heç kimi izləmirik. iPhone casus deyil” deyə iddiaları yalanlamışdı.

Günel ƏSGƏRZADƏ