Amerikalı repçi P. Diddy (Şon Kombs) həbsxanada başından xəsarət alıb.
Kulis.az xəbər verir ki, bu barədə "PageSix" nəşri məlumat yayıb.
Nəşrin məlumatına görə, sənətçi kameradakı ikimərtəbəli çarpayıya çırpılaraq başından zədə alıb və Nyu-Cersi ştatındakı xəstəxanalardan birinə yerləşdirilib.
Təcili yardım və bahalı həbsxana həyatı
"TMZ" nəşrinin iddiasına görə, təcili tibbi yardım maşını oktyabrın 10-na keçən gecə repçini həbsxanadan aparıb. Lakin səhər açılmamışdan əvvəl Kombs yenidən kamerasına qaytarılıb. Bildirilir ki, sənətçinin huşu yerində olub və o, danışa bilib.
Hazırda Nyu-Cersidəki "Fort-Diks" federal həbsxanasında saxlanılan P. Diddynin cəzaçəkmə şəraiti də diqqət çəkir. "NBC News"un məlumatına görə, repçi dəmir barmaqlıqlar arxasında öyrəşdiyi lüks və rahatlıq səviyyəsini qorumaq üçün hər ay minlərlə dollar pul xərcləyir.
İnsan alveri ittihamı və 4 illik həbs
Xatırladaq ki, ötən ilin oktyabr ayının əvvəlində Nyu-York məhkəməsi repçini 4 il 2 ay müddətinə azadlıqdan məhrum edib. Andlı iclasçılar onu fahişəliyə cəlb etmək məqsədilə insan daşınması və alveri ilə bağlı iki epizod üzrə təqsirli biliblər. Bununla belə, ifaçı reketlik və cinsi istismar məqsədilə zorla yerdəyişmə ilə bağlı digər ittihamlardan bəraət alıb.
Ana səhifə
Reels
Yazarlar
Xəbərlər