"Anar yeni əsərlər yazmır..."

Kino

Ana səhifə
Kino

"Anar yeni əsərlər yazmır..."

14 dekabr 2012

18:26

“, buna görə də tamaşaya qoyulmur”. Bunu Modern.az-a açıqlamasında Azərbaycan Dövlət Akademik Milli Dram Teatrının direktoru İsrafil İsrafilov deyib.

Qeyd edək ki, Azərbaycan Yazıçılar Birliyinin sədri, xalq yazıçısı Anar “Kulis.az” saytına müsahibəsində bildirib ki, Azərbaycan Dövlət Akademik Milli Dram Teatrı ona artıq yad gəlir.
“Tofiq Kazımov, Həsən Turabov öləndən, Şəfiqə, Fuad Poladov, Amaliya Pənahova teatrdan gedəndən sonra ora mənə yad gəlir” deyən xalq yazıçısının fikrinə teatrın hazırki direktoru belə cavab verib:

“Anarın əsərləri dəfələrlə teatrda, “Şəhərin yay günləri”, “Beşmərtəbəli evin altıncı mərtəbəsi”, “Adamın adamı” əsərləri isə məhz “Azdrama”da səhnələşdirilib. Lakin son on ildə yeni əsər yazmayıb. Özüm də şəxsən Anara müraciət etmişəm ki, yeni əsər yazsın, bizdə də tamaşaya qoyulsun. Çünki dramaturgiyaya ehtiyacımız var. Yazıçının son əsəri axırıncı dəfə on il bundan əvvəl tamaşaya qoyulub”.