Azərbaycan Kinematoqrafçılar İttifaqının çoxsaylı layihələrindən biri olan film nümayişi təkcə yerli filmləri deyil, xarici filmləri, xüsusilə də dünya klassik kinosunu da əhatə edir.

Əvvəlki illərdə olduğu kimi bu il də tamaşaçılar AKİ-nin təşkilatçılığı ilə dünya kinosundan inciləri böyük ekranda, orijinal dildə, azərbaycanca altyazılarla izləmək imkanı qazanacaqlar.

Kulis.az xəbər verir ki, aprelin 15-dən başlayaraq AKİ-nin Azərbaycan Fransız İnstitutu və Fransanın Azərbaycandakı Səfirliyi ilə əməkdaşlığı çərçivəsində “Fransa kino günləri” start götürəcək.

15-22-29 aprel və 6 may tarixlərində dörd fransız tammetrajlı bədii filmləri nümayiş olunacaq.

Aprelin 15-də rejissor Rene Klemanın “Pişiklər” (Les félins) (1964) tammetrajlı bədii filmi nümayiş olunacaq. Filmdə məşhur aktyorlar Alen Delon, Ceyn Fonda, Lola Olbrayt çəkiliblər.

Aprelin 22-də, rejissorlar Metyü Delaport və Aleksander de La Patelyenin ekranlaşdırdığı “Qraf Monte-Kristo (“Le Comte de Monte-Cristo”) (2024) filmi nümayişolunacaq.

Aprelin 29-da rejissor Lui Malın “ Əlvida, uşaqlar” (“Au revoir les enfants”) (1987) filminin nümayişi baş tutacaq.

Mayın 6-da rejissor Jorj Franjunun ekranlaşdırdığı “Simasız gözlər” (“Les yeux sans visage”) (1959) tammetrajlı bədii filmi təqdim olunacaq.

Nümayişlərə giriş ənənəvi olaraq sərbəst və qeydiyyatsız olacaq.

• Kanye Uest konserti üçün stadion tikəcək
• Mədəniyyət Nazirliyinin keçirdiyi satınalmalarda nöqsanlar aşkarlandı
• Azərbaycanlı müəllifin pyesi Sankt-Peterburqda səhnələşdirildi