Kulis.az "Şənbə filmi" rubrikasından Polşa rejissoru Yan Komasanın "Corpus Christi" filmi haqqında materialı təqdim edir.

Yan Komasanın 2019-cu ildə çəkdiyi "Corpus Christi" filmi təkcə dinə yox, cəmiyyət, şəxsiyyət və əxlaq mövzularına toxunur.

Filmin qəhrəmanı Daniel yeniyetmə yaşlarında bir cinayət törədib və islah müəssisəsində cəza çəkir. Orada ruhaniyyətə maraq göstərir və keşiş olmaq istədiyini bildirir, lakin keçmişi buna imkan vermir. Azadlığa çıxdıqda isə təsadüf nəticəsində bir kəndə gedir və özünü keşiş kimi təqdim edir. O andan etibarən isə kənd camaatının problemlərinə, onların travmalarına və riyakarlıqlarına müdaxilə etməyə başlayır.

Film dinin forması ilə mahiyyəti arasında fərqi göstərir. Daniel ruhən insanlara daha çox yardım edir, lakin o "rəsmi keşiş" deyil. Halbuki rəsmi keşişlərin çoxu yalnız idarəetmə mexanizminə çevriliblər. Bu, dinin mənəvi tərəfinin yox, institusional sistemə çevrilməsinin tənqididir.

Daniel öz keçmişini gizlətmək məcburiyyətində qalır. Film burada insanın dəyişmək, tövbə etmək istəyinin qarşısında duran etik və sosial baryerləri tənqid edir. Cəmiyyət bir insanı dəyişməyə təşviq etmir, əksinə, onu keçmişinə görə ömürlük cəzalandırır.

Film boyunca kənddə baş verən qəza və onun ətrafında yaranan münasibətlər göstərir ki, cəmiyyət öz ağrısını başqasının üzərinə ataraq yüngülləşdirmək istəyir. Günahkar yaratmaq ənənəvi sosial müdafiə mexanizmidir və film bunu ustalıqla göstərir.

Daniel:dəyişmək istəyən adamdır..Nə qədər saxtakar kimi görünsə də, onun davranışları və çıxışları səmimidir. Onun keşiş rolu oynamır, inandığı həyatı yaşayır.

Rənglər solğun və torpaq tonludur. Bu, kəndin sönük atmosferini və ruhani boşluğunu vizuallaşdırır. Kadrlarda çox zaman səssizlik və durğunluq hiss olunur ki, bu da daxili gərginliyi artırır.

Rejissor emosiyaları zorla "göstərmir", daha çox boşluqlara və baxışlara fokuslanır.

• "Bu hekayə deyil, əhvalatdır..." - Müzakirə
• Məşhur rejissor: "Daha kinoteatra getmirəm..."
• Müharibənin rəngləri - Türkanə İsrafilli