Azərbaycanın Özbəkistandakı səfiri Hüseyn Quliyev Özbəkistanın Kinematoqrafiya Agentliyində olub və Agentliyin rəhbəri Firdavs Abduhalikovla görüşüb.
Kulis.az xəbər verir ki, görüşdə Ümumrusiya Dövlət Kinematoqrafiya İnstitutunun Daşkənd filialının direktoru Eldor Yuldashev, Agentlik yanında Beynəlxalq münasibətlər şöbəsinin müdiri Sayera Xudayberdiyeva, Özbəkistandakı Heydər Əliyev adına Azərbaycan Mədəniyyət Mərkəzinin direktoru, səfirliyin birinci katibi Samir Abbasov və başqa qonaqlar iştirak ediblər.
Görüş zamanı Azərbaycanla Özbəkistan arasında kino sahəsində əməkdaşlıq, iki ölkə kinematoqrafçılarının birgə film layihəsinin reallaşdırılması, təcrübə mübadiləsi, hər il Özbəkistanda keçirilən ənənəvi “İpək yolunun incisi” adlı Daşkənd Beynəlxalq Kino Festivalında Azərbaycan tərəfinin daha geniş təmsil olunması müzakirə olunub.
Görüşdə Özbəkistanın Kinematoqrafiya Agentliyinin baş direktoru Firdavs Abduhalikov Azərbaycanla kino sahəsində əməkdaşlığa daim böyük önəm verdiklərini qeyd edərək, Özbəkistanda kino sahəsində həyata keçirilən işlər və islahatlardan danışıb.
Azərbaycanla Özbəkistan arasında kino sahəsində əməkdaşlıq müzakirə olundu
Oxşar xəbərlər
"Tehran" serialının israilli prodüseri otel otağında ölü tapıldı
16:00
16 fevral 2026
Məşhur klassika yenidən böyük ekranda: "Uğultulu təpələr"
15:00
16 fevral 2026
“DokuBaku” beynəlxalq festivalı filmlərin qəbulunu elan edir
13:00
16 fevral 2026
Berlində Azərbaycan Kino Günləri keçirildi
12:00
16 fevral 2026
Özgü Namalın Türkiyə ilə bağlı suala cavabı müzakirələrə səbəb oldu
11:30
16 fevral 2026
Azərbaycan-İsrail kinematoqrafçılarının birgə filmi təqdim olundu
10:31
16 fevral 2026