Bu yaxınlarda Rüstəm İbrahimbəyov Milli Kitab sərgisindəki görüşdə maraqlı çıxışı ilə yadda qaldı. Görüşdə iştirak edən bir yaşlı kişi dünya şöhrətli R.İbrahimbəyova sual verir ki, bayaq siz yaxşı rejissorların adlarını çəkdiniz, axı kino yaranmırsa, rejissor necə yaranır.

R.İbrahimbəyov iştirakçının sualına cavab olaraq bildirib ki, hökumət tərəfindən dəstək almayan rejissorlar filmlərini özləri çəkirlər. Daha sonra o, yeni dövr rejissorların və filmlərinin adlarını çəkərək onlar haqda fikirlərini bölüşüb:

“Rövşən İsaqın serialı var. “Pərdə” filmləri... Mən “İkinci Pərdə” filminə baxmışam, çox professional çəkilib, maraqlıdır. Bizim bir neçə istedadlı rejissorumuz var. Hilal Baydarov, Elvin Adıgözəl. Onları tanıyan yoxdur. Çünki prokat yoxdur”.

Rüstəm İbrahimbəyov kinonun acınacaqlı vəziyyətindən danışandan sonra başqa müasir rejissorların da adlarını çəkib:

“İmanovlar qardaşı (Elmar İmanov və qardaşı) və elə burda əyləşən, mənim dostum (Mirbala Səlimli nəzərdə tutulur). Siz “Qırmızı bağ” filmini görmüsünüz? (sual verən iştirakçı “Xeyr” deyir) Bilirsiniz, bu çox acınacaqlı vəziyyətdir. Siz bunları görməmisiniz. Asif Rüstəmovun filmlərini də”.

Dünya şöhrətli bir şəxsin yeni nəslin adını çəkərək onların işinə qiymət verməsi çox gözəl bir hadisədir. Kino industriyasının vəziyyətinin fonunda iş görən və ortaya gözəl filmlər qoyan rejissorları təqdim etməsi insanda ümid yaradır. Hər şeyə mız qoyan, “bizdə yeni kino, ədəbiyyat yoxdur” deyən kəslərin əslində yeniliklərdən xəbərdar olmaması Rüstəm İbrahimbəyovun bu çıxışı ilə bir daha təsdiqləndi. Deməli, "oğlanlar var, şərait yoxdur".

• Qısamüddətli şam yeməyindən qlobal fenomenə - İlk "Oskar"ın pərdəarxası məqamları
• "Modern Talking" qrupunun üzvü Bakıda
• TikTok Live-da sözün gücü: Sahil Rzayevin hekayəsi