"The Conjuring" seriyasının ən çox gəlir gətirən "Last Rites" filmindən sonra "Warner Bros." və "New Line" şirkətləri paranormal tədqiqatçıların gənclik illərinə həsr olunmuş "The Conjuring: First Communion" filminin nümayiş tarixini açıqlayıblar.

Kulis.az xəbər verir ki, maraqla gözlənilən ekran işinin 10 sentyabr 2027-ci ildə kinoteatrlarda nümayiş olunması planlaşdırılır.

Yaradıcı heyətdə tanış simalar

Rejissor kürsüsündə Rodriq Uartın əyləşəcəyi filmin ssenarisini seriyanın sadiq pərəstişkarlarının yaxından tanıdığı iki ssenaris – Riçard Nainq və Yan Qoldberq qələmə alır.

Qeyd edək ki, bu ikili daha əvvəl 2023-cü il istehsalı olan "The Nun II" və bu ilin sentyabrında vizyona girəcək "The Conjuring: Last Rites" filmlərinin də ssenaristliyini öz üzərinə götürmüşdü.

Rekord gəlir final qərarını ləğv etdirdi

Xarici mətbuatda yer alan xəbərlərə görə, ötən il ekranlara çıxan və başlanğıcda əsas seriyanın finalı olaraq təqdim edilən "The Conjuring: Last Rites" dünya miqyasında əldə etdiyi 487 milyon dollarlıq kassa gəliri ilə seriyanın öz rekordunu qırmışdı. Məhz bu gözlənilməz uğur studiyanın filmi bitirmək fikrini təxirə salmasına səbəb olub.

"Annabelle" və "The Nun" kimi spin-off layihələri də daxil olmaqla ümumilikdə doqquz filmlə qlobal miqyasda 2.7 milyard dollar gəlir əldə edən seriya Ceyms Van tərəfindən yaradılıb. Seriyanın hər bir halqasında prodüser qismində çıxış edən Piter Safran bu filmdə də öz vəzifəsinə qayıdır. İcraçı prodüser heyətində isə Con Rikard, Nataliya Safran və Romel Adam yer alacaqlar.

• "Bəlkə də köklüyümə gülürlər?" - Miriam Presslerin "Tünd şokolad" əsərindən bir hissə
• "İlyas Göçmənin şəkil dəftəri” kitabında vizual poeziya fenomeni - Gülxani Pənah
• 140 ildən çoxdur inşası davam edən bazilika bu il tamamlanır