“Mesenat” yeni quruluşda

Kino

Ana səhifə
Kino

“Mesenat” yeni quruluşda - AFİŞA

12 may 2011

14:50

Dramaturq Əli Əmirlinin milyonçu Hacı Zeynalabdin Tağıyevin ailə dramından bəhs edən “Mesenat” adlı əsəri uzun sürən fasilədən sonra Akademik Milli Dram Teatrının repertuarına bərpa olunub. 2005-ci ildə əməkdar incəsənət xadimi Bəhram Osmanovun quruluşunda səhnələşdirilmiş bu əsərdə baş rollarda xalq artistləri Nurəddin Mehdixanlı, Şükufə Yusupova, Firəngiz Mütəllimova, İlham Əsgərov, əməkdar artistlər Sənubər İsgəndərli, Mehriban Xanlarova, Kazım Abdullayev, Vəfa Rzayeva və teatrın digər aktyorları oynayırlar. “Mesenat”ın növbəti nümayişi mayın 14-ü və 26-na planlaşdırılıb.

Yeri gəlmişkən, “Mesenat” əsəri “Qafqaz” Universiteti yanında fəaliyyət göstərən Teatr studiyasının həvəskar aktyorlarının ifasında da tamaşaya hazırlanıb.

Tələbə aktyorlar xalqımızın yaddaşında xeyirxah əməlləri ilə dərin izlər buraxmış Hacının tale dramını ölkəmizin bir sıra şəhərlərində və Türkiyədə də göstərmək niyyətindədirlər. İlk tamaşa bu gün, mayın 12-də Dövlət Gənc Tamaşaçılar Teatrında olacaq. Tamaşanın quruluşçu rejissoru sənətşünaslıq namizədi Zəminə Axundovadır. Bu tamaşa rejissorun və Teatr studiyasının Əli Əmirli yaradıcılığına ikinci müraciətidir. 2010-cu ildə dramaturqun “Ağqoyunlular və Qaraqoyunlular” dramı əsasında hazırlanmış tamaşa Şamaxı, Sumqayıt, Xırdalan şəhərlərində göstərilib.

Ramilə QURBANLI

3096 dəfə oxunub

Paylaş

Oxşar xəbərlər

Öz İtakasına qayıtmaq yanğısı... - Homerə "sığınan" Nolan "Odisseya" ilə nə demək istəyib?

14:00 12 avqust 2026

Dini epik janrı yaratdı, Rembrandt üslubunu kinoya gətirdi... – O, çəkilişdə ilk dəfə nədən istifadə etmişdi?

12:30 12 avqust 2026

Adil İsgəndərovun dəvəti ilə böyük kinoya gələn sənətkar - O, hansı filmə görə təzyiqlərə məruz qalmışdı?

10:00 12 avqust 2026

Kino