Kannda iki boş kürsü

Kino

Ana səhifə
Kino

Kannda iki boş kürsü - QADAĞA

11 may 2011

10:09

İranlı rejissorlar Cəfər Pənahi və Məhəmməd Rəsulovun filmləri Kann film festivalında nümayiş olunacaq

Kulis.az-ın “Reuters”ə istinadən verdiyi xəbərə görə, həbsdə olan Cəfər Pənahinin “Bu film deyil” filmi 20 mayda nümayiş olunacaq. Filmdə öz məhkəmə qərarını necə gözlədiyini canlandıran rejissor 2009-cu ildə Mirhüseyn Musəviyə açıq dəstək olub. Həmin ilin dekabrında Pənahiyə altı il həbs, bundan əlavə də film çəkməyə və iyirmi il xarici ölkəyə çıxmağa qadağa qoyulub.

Digər rejissor Məhəmməd Rəsulovun “Əlvida” filmi mayın 14-ü nümayiş olunacaq. Bu film isə İrandan çıxmaq üçün viza almağa çalışan Tehranlı hüquqşünasın həyatından bəhs edir. Rəsulov da eyni müddəalarla həbs olunub.

Cəfər Pənahi Kann Film Festivalının “Qızıl kamera”, Venesiya Film Festivalının “Qızıl şir” və Berlin Film Festivalının “Bürünc ayı” mükafatlarının sahibidir.

Bildirək ki, 64-cü Kann Film Festivalına 11 mayda start veriləcək və 11 gün davam edəcək.

Günel ƏSGƏRZADƏ