Gənc Tamaşaçılar Teatrında yeni tamaşa

Gənc Tamaşaçılar Teatrında yeni tamaşa
3 may 2011
# 16:39
Dövlət Gənc Tamaşaçılar Teatrında Xalq yazıçısı İlyas Əfəndiyevin «Məhv olmuş gündəliklər» pyesi əsasında eyniadlı yeni tamaşa üzərində yaradıcılıq prosesinə başlanmışdır.

Kulis.az teatrın mətbuat xidmətinə istinadən xəbər verir ki, sözügedən əsər hələ 2002-ci ildə teatrın rus bölməsinin aktyorlarının ifasında hazırlanmış və geniş tamaşaçı marağına səbəb olmuşdur. Kollektiv bu tamaşa ilə Moskva vilayətinin Dmitrov, Taldom və Dubna şəhərlərində uğurla çıxış edərək, rusiya teatr mütəxəssislərini və tamaşaçılarını heyrətləndirmişdir.

Hazırda teatrın quruluşçu rejissoru, Xalq artisti Vaqif Əsədov «Məhv olmuş gündəliklər» pyesini azərbaycan dilində yeni versiyası üzərində məşqlər aparır. Tamaşanın tərtibatı da rejissorun özünə məxsusdur. Bundan başqa, tamaşanın musiqi tərtibatı Mixail Simanovskiyə, rəqslərin quruluşu Nicat Kazımova məxsusdur. Rejissor assistentləri isə Sona Mustafayeva və Elnur Kərimovdur.

Yeni səhnə əsərində əsas rolları əməkdar artist Şövqi Hüseynov, aktyorlar Şəfəq Əliyeva, Nəsibə Eldarova, Rasim Cəfərov, Elnur Hüseynov, Nicat Kazımov, Elnur Kərimov, Günel Məmmədova, Şəbnəm Hüseynova, Elşən Rüstəmov, Sərvər Əliyev, Rəşad Səfərov, Kərəm Hadızadə, Elşən Şirəliyev, Manaf Dadaşov, Asya Atakişiyeva, Nigar Məmmədova, Roza İbadova, Anar Seyfullayev ifa edəcəklər.

Tamaşanın premyerası yeni - 84-cü teatr mövsümünün ilk günlərində – sentyabr ayının 20-də nəzərdə tutulmuşdur.
# 1798 dəfə oxunub

Oxşar xəbərlər

Quran motivləri əsasında çəkilmiş 10 ekran əsəri

Quran motivləri əsasında çəkilmiş 10 ekran əsəri

15:00 13 sentyabr 2025
Dövlət dəstəyi ilə istehsal ediləcək filmlərin növbəti pitçinqi keçirilib

Dövlət dəstəyi ilə istehsal ediləcək filmlərin növbəti pitçinqi keçirilib

09:26 13 sentyabr 2025
Qadın rejissorların filmləri təqdim olunacaq

Qadın rejissorların filmləri təqdim olunacaq

15:40 12 sentyabr 2025
“Boşluğa xütbə”  filminin yaradıcı heyəti ilə görüş keçirildi

“Boşluğa xütbə” filminin yaradıcı heyəti ilə görüş keçirildi

14:23 12 sentyabr 2025
"Highlander" filmi təxirə salındı - Səbəb

"Highlander" filmi təxirə salındı - Səbəb

11:38 12 sentyabr 2025
"Qorxu seansı" filminin ssenaristləri bəlli oldu

"Qorxu seansı" filminin ssenaristləri bəlli oldu

17:15 11 sentyabr 2025
#
#
Ana səhifə Yazarlar Bütün xəbərlər