Sağımdaydı... – Şəhriyardan YENİ ŞEİR

Sağımdaydı... – Şəhriyardan YENİ ŞEİR
19 noyabr 2017
# 03:01

Kulis.az tanınmış şair Şəhriyar del geraninin yeni şeirini təqdim edir.

***

Sağımdaydı

tam sağımdaydı yəni,
İki addım qabaqda - sağımca irəliləyirdi.

Qollarını havada ölçür,
yağışı göstərirdi.
Küləyin istiqamətini sanki,
Həyatın sürətini sanki
Və sanki ömrün necə keçdiyini göstərirdi;
Heç nə demirdi,
Demək istəmirdi bəlkə,
Amma nəsə göstərirdi sanki...

Məsələn, özündən danışırdı, hara getdiyini deyirdi, amma niyə getdiyini demirdi.
Gördüm, əlləri əsir
Və əlləri əsirdi sanki...

Yorğundu, qəm-qərib bir səsi vardı,
nimdaş ayaqqabısı və şalvarının arxa ətəyində palçıq izləri.
Tələsdiyi bəlliydi,
səsindən, tonundan da,
şalvarının arxa ətəyindəki palçıq izlərindən də bəlliydi,
Amma hara tələsdiyini demirdi...

Sağımdaydı,
Məndən iki addım qabaqda - sağımca irəliləyirdi.
Sağımca dediyim, tam sağımda yəni.

Telefonun obri başında kim vardı? - bilmirəm.
Çox yəqin bu qadın da bilmirdi.
Sağımdakı qadını deyirəm;
Məndən iki addım qabaqda
tam sağımca irəliləyən qadını.

Deyirəm, heç bu qadın da telefonun obri başındakı adamın kimliyini bilmirdi.
Yəni qadın "mən səni sevirəm"dəki "səni"-nin ünvanını tanımırdı.
Məsələn, cümlənin morfoloji təhlilini soruşsan, "Səni - mücərrəd isimdir" deyərdi.
Və deyirdi sanki...

Amma indi
nəyisə izah edir adama,
havanı ölçür qollarıyla,
yağışı bəlkə də,
küləyin istiqamətini,
ömrün sürətini,
Sürətini deyirəm, surətini bəlkə də...
Yəni o adamı - telefonun digər tərəfindəki adamı başa sala bilmirdi qadının flyuger qolları.

Sağımdaydı, tam sağımdaydı yəni.
Məndən iki addım qabaqda - sağımca irəliləyirdi.
Telefonu qapadırkən öz-özünə bu cümləni pıçıldadı:

- eh, bu ömür də bitsəydi, niyə yaşadığımızı bilərdik...

# 1877 dəfə oxunub

Oxşar xəbərlər

"Bu detal məni heyrətləndirmədi" - Hekayə müzakirəsi

"Bu detal məni heyrətləndirmədi" - Hekayə müzakirəsi

12:00 3 sentyabr 2025
Başlanğıcdan sona sehrli Borxes gerçəkliyi...- Sevinc Mürvətqızı

Başlanğıcdan sona sehrli Borxes gerçəkliyi...- Sevinc Mürvətqızı

10:00 24 avqust 2025
"Bomboz həyat bağrımı çatladacaq..." -   “Tütək səsi”nin Cəbrayıl rolunu  niyə Şahmar Ələkbərova vermədilər?

"Bomboz həyat bağrımı çatladacaq..." - “Tütək səsi”nin Cəbrayıl rolunu niyə Şahmar Ələkbərova vermədilər?

10:00 23 avqust 2025
Ayxan Ayvazın "Banan qabığı" hekayəsinin psixopoetik yozumu: Selincer podteksti - Mətanət Vahid

Ayxan Ayvazın "Banan qabığı" hekayəsinin psixopoetik yozumu: Selincer podteksti - Mətanət Vahid

15:00 12 avqust 2025
"Onu “Beş dəqiqəlik yol”da necə sevmişəmsə..." -  Yaşar Rzayevin Vəlisi ilə  Anarın Kəbirlinskisini qoşalaşdıran nədir?

"Onu “Beş dəqiqəlik yol”da necə sevmişəmsə..." - Yaşar Rzayevin Vəlisi ilə Anarın Kəbirlinskisini qoşalaşdıran nədir?

09:00 11 avqust 2025
"Buna Azərbaycan dilində yazılmış mətn deməyə adam çətinlik çəkir..." -  Abbasqulu ağa Bakıxanov niyə  ərəb-fars tərkibləri ilə yazırdı?

"Buna Azərbaycan dilində yazılmış mətn deməyə adam çətinlik çəkir..." - Abbasqulu ağa Bakıxanov niyə ərəb-fars tərkibləri ilə yazırdı?

12:15 8 avqust 2025
#
#
Ana səhifə Yazarlar Bütün xəbərlər