Moskvada teatr və kinoteatrlar açılır

Moskvada koronavirus infeksiyasının yayılmasına qarşı mübarizə çərçivəsində teatr, kinoteat və konsert salonlarına qoyulan məhdudiyyətlər qismən aradan qaldırılır.

Kulis.az Lenta.ru-ya istinadən xəbər verir ki, yanvarın 22-dən etibarən moskvalılar panemiya qaydalarına riayət etməklə teatr və kinoteatrlara gedə biləcəklər.

Bildirilib ki, mədəniyyət müəssisələrində maksimum tamaşaçı sayı binaların ümumi tutumunun yüzdə 25-dən 50 faizinə qədər artacaq. Bu qərarın Moskvada gündəlik yoluxma sayının azalması və peyvənd olunanaların sayının artması səbəbindən verildiyi qeyd olunub.

Bundan başqa Moskvadakı kitabxanaların, muzeylərin və digər mədəniyyət müəssisələrinin işi də bərpa edilməsi gözlənilir. Sərgi və digər kütləvi mədəni tədbirlərə, ziyarətçilərin sayı binaların ümumi tutumunun yüzdə 50-dən çox olmamaq şərti ilə icazə verilir.