Abdulla Şaiq adına Azərbaycan Dövlət Kukla Teatrı növbəti layihəsini də sənətsevərlərin ixtiyarına verdi.
Kulis.az xəbər verir ki, teatrın nəzdindəki “Oyuq” teatr-studiyası özünün hərbi-vətənpərvərlik ideyalı növbəti klipini ərsəyə gətirib.
“Qarabağ Azərbaycandır” şüarı ilə bundan öncə də bir neçə klip və videoçarx hazırlayan teatr təmsilçiləri bu dəfə sözləri və musiqisi Bəhram Nəsibova məxsus “Qarabağ” ("Can Qarabağ" adı ilə tanınan) mahnısına klip çəkiblər.
“Qarabağ Azərbaycandır” layihəsinin davamı olan klipin ideya müəllifi Səidə Haqverdiyeva, rejissoru Tofiq Teymuroğlu, operatoru Mərdan Məmmədovdur.
Xatırladaq ki, bu mahnı və ona çəkilən klip teatrın “Uşaq və yeniyetmələrin hərbi-vətənpərvərlik ruhunda tərbiyəsi”nə yönələn çoxşaxəli fəaliyyətinin bir istiqamətidir. Mövzu ilə bağlı daha bir klip və videotamaşa da hazırlanacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər