Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib

F.Köçərli adına Respublika Uşaq kitabxanası “Sərhədsiz incəsənət” adlı yeni layihəsinin ilk mövzüsunu Milli Musiqi Gününə həsr edib.

Kulis.az xəbər verir ki, mövzu çərçivəsində Üzeyir Hacıbəyov yaradıcılığı barədə ümumi məlumat verilib.

Bildirilib ki, Üzeyir Hacıbəyov 1908-ci il yanvarın 18-də Bakıda H. Z. Tağıyevin teatrında tamaşaya qoyulan "Leyli və Məcnun" operası ilə təkcə Azərbaycanda deyil, bütün müsəlman Şərqində opera sənətinin əsasını qoyub. O, həm də Azərbaycanda musiqili komediya janrının yaradıcısıdır. Qeyd olunub ki, Ü.Hacıbəyovun “Ər və arvad”, “O olmasın, bu olsun”, “Arşın mal alan” musiqili komediyaları o dövrün Azərbaycan məişətini, xalq adət və ənənələrini olduğu kimi əks etdirir.

Sonda kitabxananın zəngin fondunda yer alan kitablar və digər resurslar virtual nümayiş olunub.

Qeyd edək ki, videoçarxı kitabxananın internet ünvanından və sosial şəbəkələrdəki profillərindən izləmək olar.