news-inner
clock13:39 calendar-gray 18 Sentyabr 2020 view-gray1010 dəfə oxunub
view-gray1010 dəfə oxunub

İntim görüntülərlə şantaj olunan qadın nə etməlidir?

Bakıda 27 yaşlı müəllimə intihar edib. İntim fotoları ilə şantaj olunduğu deyilir. Nə dərəcədə doğru məlumat olduğundan xəbərim yoxdur, onu bilirəm ki, intim məzmunda şantaj olunan qadınlar var. Tək qadınlar yox, elə kişilər də. Amma bizdə ən çox qadınlar zərər çəkir. İndiyədək intim görüntüsünə görə, intihara əl atan kişiyə rast gəlmədim. Onlar bir təhər sıyrılıb çıxa bilirlər. Di gəl, qadınlarda alınmır. İstisnalar var, amma çoxluqdan danışıram.

Əvvəla, kiminsə bu cür təhdid edildiyini eşidən kimi namus baltasına cummayın. Heç kəs heç nədən sığortalanmayıb. Sabah bu gün qınadığınızdan betərini edər, daha acımasız ictimai şiddətə məruz qalarsınız. Odur ki, biri səhv edibsə, həyatını tamam söndürməyə çalışmayın. Adı üstündədir: səhv. Xətanı düzəltmək, yenidən başlamaq mümkündür. Amma bunun üçün adama şans vermək, kömək etmək lazımdır. Öldürənə qədər qovalamaq yox. Unutmayaq ki, kiminsə intim görüntüsü şəxsi həyatına aiddir. Bütün hallarda adamın iradəsindən xaric onu yaymaq, hələ təhdid etmək qanun pozuntusudur.

İntim görüntüsü ilə şantaj olunan qadın niyə intihar edir? Çünki namus məsələsində cəmiyyətin nə qədər zalım olduğunun fərqindədir. Peşman olub normal həyatına davam etmək istəsə də, insanların imkan verməyəcəyini, “camaat”ın qınağına tab gətirə bilməyəcəyini düşünür. Beləcə, biz onu etdiyi xətadan daha böyük yanlışa - intihara sürükləyirik. Elə bir səhvə ki, geriyə dönüşü yoxdur. Bacara bilməyəcəyini düşünüb, həyatını bitirir.

Bəs intim görüntüsü ilə şantaj olunan şəxs nə etməlidir?

Yadıma illər əvvəl CNN-dən bizə təlim keçən trenerin danışdığı hadisə düşdü. Bir qadın jurnalist seks videosi ilə şantaj olunur. Amma o, təhdidlərə məhəl qoymadan aidiyyatı quruma şikayət edir və ardınca da mətbuat konfransı keçirərək, üzləşdiyi halla bağlı özü açıqlama verir. Beləcə, şantaj qüvvədən düşür və adam cəzasını alır. Trenerimiz bunu bizə misal kimi çəkib, şantaja qarşı 3 əsas şərti də qeyd etdi: “Hər kəs intim mövzuda təhdid oluna bilər. Deyək ki, kiminsə əlində intim foto və videolarınız var, şantaj edilirsiniz. Bu halda neyləməli? Əvvəla, şantaja əsla tabe olmayın. Bu, sonu olmayan bir təhdiddir. İkincisi, mütləq hüquq-mühafizə orqanına müraciət edin. Üçüncüsü, şantajçıdan əvvəl özünüz açıqlama yayın”.

Amerikalı təlimçinin təklif etdiyi bu 3 şərt şantaja qarşı ən yaxşı çözümdür. Ola bilsin, başqa daha effektiv yanaşmalar da var. Amma mənim bildiyim budur, onu da paylaşmağı özümə borc bildim. Bəlkə də elə bu gün, bu saat, bu dəqiqə başqa bir qadın eyni məzmunda şantaj edilir. Bəlkə də dözə bilməyib, intiharı da düşünür. O cür qadınlara bir dəstək olmaq üçün bu yazını yazdım, kimisə ölümdən çəkindirmək, çıxış yolunun intihar olmadığını yada salmaq üçün.

İntihar heç bir problemin həlli deyil. Hər kəs səhv edər, edir də. Xətanı düzəltmək üçün yaşamaq lazımdır. Sizi ölümədək qovan adamlara isə əhəmiyyət verməyin. Əmin olun ki, etdiyiniz səhvdən daha betərini ediblər, yaxud da edəcəklər.

Hər birimiz insanıq, kimsə xətadan xali deyil. Birində yanlış gördüyünüz zaman “öldürməyin”, əksinə əlindən tutun. Unutmayın ki, bir gün siz də səhv edə bilərsiniz. O zaman sizə özünüzü bərpa etməyiniz, yaşamağınız üçün digərləri şans versin. Həyat elə bu deyilmi?

Oxşar xəbərlər

Xəbər lenti

Filmimiz Parisdə nümayiş olundu
18:49 19 Oktyabr 2020
Rəssamlar İttifaqı Silahlı Qüvvələrə Yardım Fonduna ianə edib
18:11 19 Oktyabr 2020
Niyə inşa edilmişdi, üstündən kimlər keçdi? - Xudafərin körpüsü
17:28 19 Oktyabr 2020
Azərbaycanlı yazıçı koronavirusa yoluxdu
16:52 19 Oktyabr 2020
Az qalıbdır, Qarabağı qucmağa - Ordumuz haqda şeirlər
16:07 19 Oktyabr 2020
Məşhur meyxanaçılar Qarabağa klip çəkdi - Video
15:28 19 Oktyabr 2020
Atalığı onu zorla diləndirdi, əri ona görə dinini dəyişdi, səhnədə dirijoru söydü – Xalq artistinin film kimi həyatı
14:51 19 Oktyabr 2020
Zamin Hacı Füzulinin azad edilməsindən danışdı: “Sürpriz oldu”
14:10 19 Oktyabr 2020
Şərif Ağayarın romanı Fransada çap olundu
13:30 19 Oktyabr 2020
Cəbhəyə şəkil çəkdirməyə gedən məşhurlar
12:44 19 Oktyabr 2020
Türk ulduzlardan Azərbaycana qardaş dəstəyi: “Hər zaman yanınızdayıq”
12:10 19 Oktyabr 2020
Qadınlar ağlaya-ağlaya bizdən imdad diləyir - Tolstoyun qızı erməni vəhşiliyindən yazır
11:20 19 Oktyabr 2020
Məşhur rus yazıçısı vəfat edib
10:45 19 Oktyabr 2020
Nuri Bilge Ceylanın filminə 470 min avroluq dəstək
10:02 19 Oktyabr 2020
Rus aktyor: “Rusiya TV-ləri erməniləri müdafiə edən yalanlar danışır” – Müsahibə
08:58 19 Oktyabr 2020
Azərbaycan bayrağı – Günün şeiri
11:03 18 Oktyabr 2020
Dostu üzünə durdu, şərlənərək həbs olundu, yaddaşını itirdi... - Məşhur yazıçımızdan maraqlı faktlar
16:30 17 Oktyabr 2020
Şərqli atanı cəzalandıran olacaqmı?
15:33 17 Oktyabr 2020
Dağlar buludlardan uca olardı - Rayonu azad olunan şairdən şeir
14:36 17 Oktyabr 2020
Anası Füzulidə, atası Bakıda dəfn olunan aktyor: "Onları qovuşduracağam"
13:51 17 Oktyabr 2020