Hazırda Tiflisdə yaşayan Georgi Vasadze adlı skulptor Batumi şəhərində Qurban Səidin dünyaca məhşur «Əli və Nino» romanının qəhrəmanlarının şərəfinə abidə ucaldıb.

Kulis.az-ın verdiyi xəbərə görə abidə artıq hazırdır və yaxın günlərdə onun təntənəli açılışı olacaq. Amma söhbət ondan gedir ki, abidə az qala, pornoqrafik çalarda hazırlanıb.

Bu barədə etibarlı mənbələrdən məlumat almışıq. Xatırladaq ki, 1968-ci ildə Ukraynanın Odessa şəhərində anadan olmuş Georgi Kazan Dövlət Univerisitetini bitirib. Rus və ingilis dillərində sərbəst danışır. Hazırda Tiflisdə yaşayır və müxtəlif sahələrlə, o cümlədən blogerliklə də məşğul olur.

Kulis.az olaraq onun email ünvanını əldə etmişik və ona bir sıra suallar ünvanlamışıq. Yaxın vaxtlarda həmin sualların cavabları ilə də tanış ola biləcəksiniz. Bizi izləyin.


Kulis.az-ın Batumidə Səid Qurbanın «Əli və Nino» əsərinin qəhrəmanlarına aid pornoqrafik abidənin qoyulması barədə yaydığı xəbər Azərbaycan və Gürcüstan KİV-ni qarışdırıb.

Gela Vaşadzeyə istinadən hazırladığımız xəbərdən sonra istər gürcü, istərsə də yerli KİV-lər istinadən bəzi araşdırmalara başladıq.

Məlum oldu ki, Vaşadze memar yox, əslində məşhur jurnalist və bloggerdir. Abidənin hazırlanması ilə bağlı ilkin mənbə isə Gürcüstan Leyborist Partiyasının Acariya bölməsinin rəhbəri David Robikidzedir. Batumi şəhər rəhbərliyi isə mənəvi və əxlaqi kriteriyalara sığmayan bu abidənin qoyulmasının qəti əleyhinədir.

Amma bütün bu hadisələrin episentrində dayanan Robikidze yenə dediyindən əl çəkmir. Onun fikrincə. şəhərdə bu tip abidə mütləq qoyulacaq. Abidənin mahiyyəti isə «bir-birinə tərəf qucaq açan kişi və qadın ən yaxın məsafəyəcən bir-birinə yaxınlaşacaq və ayrılacaq. Leyboristin fikrincə, bu kişi və qadın bərabərliyini, azad seksi özündə əks etdirən bir kompozisiya olacaq. Robikidze bir qədər də irəli gedərək, yeni il ərəfəsi yerli parlament tərəfindən həmin abidə-kompleksin hazırlanması barədə qərar qəbul etdirib.

Yerli KİV-lər adıgedən abidənin «Əli və Nino»ya həsr olunacağını desə də, rəsmi Batumi bunu təkzib edib.

Yeri gəlmişkən, dünən sosial şəbəkələrdə «Əli və Nino»nun porno mahiyyətli abidəsinin fotoları yayılmışdı. Gürcü KİV-nə görə, o, abidə deyil, onun eskizləridir.



Səbuhi MƏMMƏDLI